Боку “Тинчлик кенгаши”нинг биринчи йиғилишида эълон қилинган Ғазо сектори учун 7 миллиард долларлик молиявий ёрдам пакетида иштирок этишни режалаштирмаяпти. Бу ҳақда Озарбойжон президентининг ёрдамчиси Ҳикмат Ҳожиев журналистларга берган интервьюсида маълум қилди.
"Озарбойжон “Тинчлик кенгаши”га аъзо сифатида унинг мақсад ва вазифаларини қўллаб-қувватлайди. Бироқ АҚШ президенти Доналд Трампнинг баёнотига қарамай, Бокунинг “Ғазо учун 7 миллиард долларлик молиявий лойиҳа”да иштирок этиши кўзда тутилмаган", — деди озарбойжонлик расмий.
Унинг сўзларига кўра, Озарбойжон келажакда “Тинчлик кенгаши” орқали Ғазодаги инвестиция лойиҳаларида иштирок этишни кўриб чиқиши мумкин.
Эслатиб ўтамиз, аввалроқ Доналд Трамп Ўзбекистон Қозоғистон, Озарбoйжон, БАА, Марокаш, Баҳрайн, Қатар, Саудия Арабистони ва Кувайт Ғазо секторини қайта тиклаш учун ёрдам пакетига 7 миллиард доллардан ортиқ маблағ ажратганини эълон қилган эди.
Исроил Ҳиндистонда жуда машҳур, буни биласизми? - Нетаняху
Доллар турбулентлик босқичига кирмоқда
Зеленский АҚШ шартларига кўнмаса, унга нисбатан айблов эълон қилиниши мумкин
