Бу ҳақда Мюнхен конференцияси раиси маълум қилди.
"Биз Россия ҳукуматидан бирор расмий шахсни рўйхатдан ўтказмаганмиз. Рўйхатда мавжуд бўлмаган амалдорларга конференцияда қатнашиш мумкин эмас," — дея аниқлик киритди Кристоф Хойсген.
Ўз навбатида, Россия президенти матбуот котиби Дмитрий Песков Вашингтон, Москва ва Киев вакилларининг Германияда учрашиши ҳақидаги саволга: "Украина можаросини ҳал этиш бўйича ҳозирча ҳеч қандай янгилик йўқ," — дея жавоб берди.
Аввалроқ Доналд Трамп Мюнхен конференциясида АҚШ расмийлари Россия ва Украина вакиллари билан музокара ўтказишини маълум қилган эди.
