Португалия терма жамоаси сардори ва «Ан-Наср» ҳужумчиси Криштиану Роналду Саудия Арабистонидаги фаолиятини якунлагандан кейин Лиссабоннинг «Спортинг» клубига қайтиш вариантини кўриб чиқмоқда. Бу ҳақда Sports.kz El Nacional нашрига таяниб хабар берди.
Манба маълумотига кўра, португалиялик футболчи 2026 йилги жаҳон чемпионатидан кейин Саудия Арабистони чемпионатини тарк этишни режалаштирмоқда.
Хабар қилинишича, Роналду мазкур турнирда Португалия терма жамоаси сафида иштирок этишни мақсад қилган. У ҳозир ҳам жамоа сардори ва ҳужум чизиғининг етакчиларидан бири ҳисобланади. Жаҳон чемпионатидан кейин эса ҳужумчи фаолиятини яна Европада давом эттирмоқчи.
Манбага кўра, футболчи учун устувор вариант — «Спортинг»га қайтиш. Роналду айнан шу клубда 2000-йиллар бошида профессионал фаолиятини бошлаган, шундан кейин у Англиянинг «Манчестер Юнайтед» жамоасига ўтган эди.
Қайд этилишича, футболчининг агенти Жорже Мендеш эҳтимолий трансфер устида аллақачон иш бошлаган. Шу билан бирга, Роналду ҳали ҳам «Ан-Наср» билан шартнома билан боғланган бўлиб, у 2027 йилгача амал қилади.
Россия 2026 йилги Жаҳон чемпионатида Эрон ўрнини эгаллайдими?
Винисиус "Реал"га шарт қўйди: "Агар бу футболчи келса, мен кетаман!"
Нодирбек Абдусатторов «Prague Masters» мусобақасида ғолиб чиқди
