Зеленский 6 майдан бошлаб оташкесим сулҳи кучга киришини эълон қилди

Шу тариқа у Путин томонидан 8—9 май кунлари учун эълон қилинган сулҳга жавоб қайтарди.

"Биз инсон ҳаётини ҳар қандай байрамдан кўра беқиёс даражада юқори қадрият деб ҳисоблаймиз. Шу муносабат билан, 5 майдан 6 майга ўтар кечаси соат 00:00 дан бошлаб сукунат режими эълон қиламиз. Кўрсатилган вақтдан бошлаб биз ҳам шунга мувофиқ ҳаракат қиламиз. Россия раҳбарлари ўз урушларини тугатиш учун реал қадамлар ташлайдиган вақт келди", — деб ёзди Украина етакчиси Telegram'да.

Шунингдек, у Украинага Россия томонидан “жанговар ҳаракатларни тўхтатиш тартиби” бўйича расмий мурожаатлар келиб тушмаганини қўшимча қилди.