Маълумки, амалиётда кредитга олинган уйлар олинган кредитнинг таъминоти сифатида гаровга олинади. Яъни, ўртада тузилган гаров шартномасига асосан то кредит қарздорлиги тўланмагунча ўша олинган уйга банклар томонидан сотиш учун тақиқ қўйилган бўлади.
Лекин, уйни сотиш керак, бунда қандай йўл тутиш мумкин?
Тошкент давлат юридик университети Юридик клиникаси ходими Имомали Туев бу борада ҳуқуқий тушунтириш берди:
– “Ипотека тўғрисида”ги қонуннинг 26-моддасида, ипотека тўғрисидаги шартнома бўйича гаровга қўйилган мол-мулк, агар ипотека тўғрисидаги шартномада бошқача тартиб назарда тутилмаган бўлса, ипотекага қўювчи томонидан сотиш, ҳадя этиш, айирбошлаш орқали ёки ўзгача усулда фақат ипотекага олувчи(Банк)нинг розилиги билан тасарруфдан чиқарилиши мумкинлиги кўрсатилган. Яъни, агар банк мабодо, ўша уйни сотиш учун ёзма равишда розилик берса, шунда уйни сотиш мумкин бўлади лекин, банклардан бундай розиликни олиш осонлик билан ҳал бўлмайди.
Демак имкони йўқ эканда, деб ўйлашингиз мумкин.
Фуқаролик кодекси 322-моддасида қарзни бошқа шахсга ўтказиш деган норма бор. Агар кредит берган банк розилик берса, шу ипотека кредитини бошқа бир тўловга лаёқатли шахсга (янги қарздорга, ёки сотмоқчи бўлган ўша одамга) ўтказиш мумкин.
Бунда Сиз билан банк ўртасида тузилган шартномага ўзгартириш киритилади ва шартнома бўйича Сизни зиммангизда бўлган барча мажбуриятлар иккинчи шахсга ўтади. Банкларнинг шу шартга рози бўлиш эҳтимоли йўқ эмас.
Қозоғистон Россия билан урушга тайёргарлик кўрмоқдами ёки бу шунчаки ички чорами?
Москва марказида кетма-кет портлашлар юз берди
Украиналиклар қозоғистонлик ёлланма жангчиларнинг номларини эълон қилди. Қозоғистонда саросима бошланди
