МДҲга аъзо давлатлар Мудофаа вазирлари кенгаши ҳузуридаги Ҳаво ҳужумидан мудофаа масалалари бўйича мувофиқлаштирувчи қўмита раисининг ўринбосари, Қурол-яроғ бошқармаси бошлиғи - Ҳаво-космик кучлар Бош қўмондонининг қурол-яроғ бўйича ўринбосари генерал-полковник Юрий Грехов ҳаво ҳужумидан мудофаанинг ягона тизимини такомиллаштириш давом эттирилишини маълум қилди. Унинг сўзлари Россия Мудофаа вазирлиги томонидан келтирилган.
Хабарда айтилишича, МДҲга аъзо давлатлар Мудофаа вазирлари кенгаши ҳузуридаги Ҳаво ҳужумидан мудофаа масалалари бўйича мувофиқлаштирувчи қўмитанинг Олмаотада бўлиб ўтган 60-йиғилишида мамлакатлар мудофаа вазирликлари вакиллари ҳаво ҳужумидан мудофаанинг ягона тизимини такомиллаштириш, шунингдек, мамлакатларнинг икки томонлама ва кўп томонлама ҳарбий ҳамкорлигини мустаҳкамлашга оид 13 та масалани муҳокама қилишган.
"Йиғилишни якунлар экан, генерал-полковник Юрий Грехов МДҲга аъзо давлатларнинг ҳаво ҳужумидан мудофаа тизими такомиллаштирилиши давом этишини таъкидлади," - дея хабар берди Мудофаа вазирлиги.
Греховнинг таъкидлашича, юбилей йиғилиши ўтказиладиган жой тасодифан танланмаган - айнан Олмаотада 30 йил олдин, 1995 йил 10 февралда давлат раҳбарлари томонидан Мустақил Давлатлар Ҳамдўстлиги ҳаво ҳужумидан мудофаа бирлашган тизимини яратиш тўғрисидаги Битим имзоланган.
Абдуқодир Ҳусанов нега майдонга тушмаётганлигига ойдинлик киритилди. Асл муаммо нимада?
Москва марказида кетма-кет портлашлар юз берди
Истанбулдаги зилзилани башорат қилган туркиялик олимнинг баёноти эълон қилинди
