Космосда ортиқча қолган астронавтларга кунлик компенсация тўланади

Халқаро космик станцияда режасиз равишда тўққиз ой қолиб кетган америкалик астронавтлар ҳар бир кун учун 5 доллар миқдорида қўшимча ҳақ олади.

Бу ҳақда НАСА коинот операциялари бошқармаси вакили Жимми Рассел маълум қилди. Унга кўра, астронавтлар Суни Уилямс ва Батч Уилморга режалаштирилмаган кечикиш сабабли ҳар бири учун 286 кун давомида жами 1400 доллардан тўланади. Бу маблағ “кутилмаган харажатлар” учун ажратилган фонддан ажратилмоқда.

Эслатиб ўтамиз, Уилямс ва Уилмор 2024 йил 5 июнь куни ХКСга учирилган бўлиб, уларнинг Ерга қайтиши дастлаб 14 июнга режалаштирилган эди. Бироқ Старлинер кемасининг техник носозликлари туфайли миссия олти ойдан ортиқ вақтга кечиккан.