Коронавируснинг "Буюк Британия" тури Аргентинага етиб борди

Аргентинада биринчи марта коронавируснинг янги тури аниқланди.

Бу ҳақда фан, технологиялар ва инновациялар вазири Роберто Сальваресса ўзининг твиттерида маълум қилди.

Унинг сўзларига кўра, янги штамм мамлакат ҳукумати томонидан вирус тарқалишига қарши курашиш бўйича қўшимча чоралар кўрилганига қарамай аниқланган.

Янги штаммни юқтириб олган бемор саёҳатчи Буюк Британия фуқаросида тасдиқланган. Таъкидланишича, бемор аввалроқ иш юзасидан Австрия ва Германияда ҳам бўлган. Айни пайтда эркак уйда карантинга олинган.