Конор Макгрегор: "Мен қирол эдим"

Ирландиялик аралаш яккакураш устаси Конор Макгрегор UFC турнирларидаги пуллик PPV трансляцияларидан воз кечилишига муносабат билдирди.

"Хайр, UFC PPV! Қирол бўлиб хизмат қилганимдан фахрланаман", – дея янгиликка муносабатини билдирган икки вазн тоифасида собиқ UFC чемпиони ўзининг ижтимоий тармоқдаги саҳифасида.

Аввалроқ, Макгрегор 2026 йилнинг июль ойида АҚШ мустақиллигининг 250 йиллигига бағишлаб Вашингтондаги Оқ уйда ўтказиладиган махсус UFC турнирида октагонга чиқиши ҳақида гапирган эди.

Маълумот учун, куни кеча UFC ва Американинг Paramount медиахолдинг компанияси ўзаро 7 йилга мўлжалланган қиймати 7,7 миллиард долларлик бўлган шартнома имзолади. Келишувга кўра, 2026 йилдан UFC турнирларининг пуллик трансляциялари бекор қилинади.