Киев мери Виталий Кличко Россия қуруқликдаги кучлари Украина пойтахтини яна босиб олишга уриниши мумкинлигини тан олди. Бу ҳақда у Bild нашрига берган интервьюсида айтиб ўтди.
«Киев Путин учун нишон бўлган ва шундай бўлиб қолади, чунки пойтахт мамлакатнинг юраги», - деди Кличко.
«Аммо биз бунга икки йил олдингига қараганда анча яхши тайёрмиз. Агар Путин шундай қарор қабул қилса, бу қонли қарор бўлади», — дея қўшимча қилди Киев мери.
Шу билан бирга, у Киев музокаралар ёки урушни «музлатиш» масаласини муҳокама қилишга тайёр эмаслигини таъкидлади, деб ёзади Билд.
«Бу нотўғри муносабат, ўрнига бизга кўпроқ ёрдам керак. Биз Россияга ҳеч қандай ҳудуд бермаймиз. Бу муросага келиши мумкин эмас», - деди Кличко.
