Ким қанча ижтимоий солиқ тўлаши маълум қилинди

Шу йилнинг 1 декабридан базавий ҳисоблаш миқдори 340 минг сўмни ташкил этди. Хўш, энди ким қанча ижтимоий солиқ тўлайди?

Солиқ қўмитаси ахборот хизмати бу ҳақда маълумот берди. Таъкидланишича, базавий ҳисоблаш миқдори ўзгариши муносабати билан 2023 йил 1 декабрдан кейинги даврлар учун ижтимоий солиқ қуйидаги миқдорларда тўланади:

• якка тартибдаги тадбиркорлар (ЙТТ) – ойига 340 000 сўм;
• савдо мажмуалари ва бозорларда фаолият юритувчи ЙТТларнинг ёлланма ходимлари учун – ойига 170 000 сўм;
• бошқа ЙТТларнинг ёлланма ходимлари учун – йилига 340 000 сўм;
• оилавий тадбиркорлар (юридик шахс ташкил этмаган):
• ЙТТ сифатида рўйхатдан ўтган оила аъзоси – ойига 340 000 сўм;
• оиланинг бошқа аъзолари (18 ёшга тўлмаганлар бундан мустасно) – ойига 170 000 сўм;
• ўзини ўзи банд қилган шахслар ихтиёрий асосда 1 декабрга қадар – йилига 340 000 сўм;

Солиқ кодекси 408-модда.