Килиан Мбаппе кутилмаган муаммо сабаб Испания кубоги ярим финалида иштирок этмайди

«Реал» ҳужумчиси Килиан Мбаппе Испания Кубоги ярим финалида «Реал Сосьедад»га қарши бўладиган баҳсда жамоасига ёрдам бера олмайди.

Маълумотига кўра, француз форвардига тиш тошини олиб ташлаш бўйича жарроҳлик амалиёти ўтказилган, ва у ҳали ҳам кучли оғриқни ҳис қилмоқда. Мбаппе кечани жуда оғир ўтказган ва тўлиқ тикланишга улгурмаган. Шу сабабли, футболчини ярим финал ўйинидан озод қилиш тўғрисида қарор қабул қилинган. Килиан сафарда бўладиган ўйин учун қайдномага киритилмади.

Шу билан бирга, манбаларга кўра, Мбаппе Ла Лиганинг 26-туридан ўрин олган «Бетис»га қарши учрашувда майдонга тушиши мумкин.

Мбаппе жорий мавсум «Реал» таркибида 38 та ўйинда иштирок этиб, 27 та гол урган ва 4 та голли узатма амалга оширган.