Россия қўшинлари 7 ноябрга ўтар кечаси Украина пойтахти Киев ва унинг атрофидаги бир қатор объектларга кенг кўламли зарбалар берди. Ҳужумлар оқибатида энергетика инфратузилмаси шикастланиб, шаҳарда электр, иссиқлик ва сув таъминоти билан боғлиқ жиддий муаммолар юзага келди.
Россия Мудофаа вазирлиги маълумотига кўра, Киевда "Фламинго" ракеталарини ишлаб чиқариши айтилган "Меридиан" корхонаси ҳамда Шимолий автомобиль кўприги нишонга олинган.
Шунингдек, Киев вилоятидаги 1800 МВт қувватли Триполе иссиқлик электр станцияси, 750 кВ кучланишли "Киевская" нимстанцияси ва Бровари шаҳридаги ракета ёқилғиси компонентларини ишлаб чиқарувчи заводга зарба берилгани билдирилди.
Россия томони Житомир вилоятида ҳарбий саноат корхоналарини электр билан таъминловчи 330 кВ нимстанция ҳамда Қора денгизда ҳарбий юк ташиётгани даъво қилинган кемага ҳужум уюштирилганини ҳам маълум қилди.
Киев мэри Виталий Кличко Шимолий кўприк шикастланганини тасдиқлади. Унинг сўзларига кўра, кўприкда транспорт ҳаракати ҳар икки йўналишда тўлиқ тўхтатилган.
Кличко пойтахтда электр энергияси, иситиш ва сув таъминоти бўйича "ўта оғир вазият" юзага келганини таъкидлади.
Россия вазирлиги эълон қилган барча нишонлар ва уларга етказилган зарар кўлами мустақил равишда тўлиқ тасдиқланмаган.
Ўзбекистонда кескин совуқ ва кучли ёғингарчилик кутилмоқда
Актриса Нилуфар Ҳамидова 7 суткага қамалди
"Майли мени ўлдиришсин. Лекин... "
