Кенияда парламент аъзоси отиб кетилди

Кения парламенти депутати Чарльз Онгондо Вере Найробида отиб ўлдирилди.

Бу ҳақда Citizen телеканали хабар берди.

Телерадиокомпания маълумотларига кўра, воқеа Кения пойтахти чорраҳаларидан бирида содир бўлган. Гувоҳларнинг таъкидлашича, икки босқинчи мотоциклда бўлган. Улардан бири яқин масофадан машинада бўлган Верага қарата ўқ узган, шундан сўнг иккала жиноятчи жиноят жойидан қочиб кетган.

Депутатнинг ҳайдовчиси тирик ва соғ-саломат қолган, бу эса, телеканалнинг фикрича, ҳужум қилганларнинг мақсади айнан қонун чиқарувчи бўлганидан далолат беради.

Отишмага яқин атрофда бўлган йўл полицияси ходимлари гувоҳ бўлган, бироқ улар жиноятчиларни тўхтата олмаган. Чарльз Онгондо Вере Найроби касалхонасига олиб борилган ва у ерда унинг ўлими қайд этилган.

Жиноятнинг сабаблари номаълумлигича қолмоқда. Daily Nation газетаси маълумотларига кўра, икки ойча аввал Касипул округи вакили бўлган Вере ҳаёти хавф остида эканини айтган.