АҚШ Конгресси Россия Украинага ҳарбий ёрдам бўйича келиша олмаса, унга "Рождество совғаси" беради. Бу фикрни Британия Ташқи ишлар вазирлиги раҳбари Дэвид Кэмерон билдирди.
Вашингтондаги Аспен институти хавфсизлик форумида сўзлаган Британия Ташқи ишлар вазирлиги раҳбари Европа хавфсизлиги ҳам Америка хавфсизлиги эканлигини айтди.
Кэмерон Ғарбни бирдамликни сақлашга ва Украинага пул ўтказишга чақирди. Акс ҳолда, унинг фикрича, фақат икки томон хурсанд бўлади: Россия ва Хитой.
"Мен сиз ҳақингизда билмайман, лекин мен уларнинг ҳеч бирига "Рождество совға"сини беришни хоҳламайман", - деб Кэмерон сўзларини келтирмоқда Politico.
