Келлогг: "Польшага 19 та дрон учирилиши тасодиф эмас, Путин чегараларни ўзгартирмоқчи"

АҚШ президентининг Украина бўйича махсус вакили Кейт Келлог Россиянинг учувчисиз самолётининг Польшага ҳужуми тасодиф бўлганига ишонмайди, шунингдек, Украина урушда мағлуб бўлмайди, деб ишонтирмоқда.

Бу ҳақда Келлогг Ялтадаги Европа стратегиясининг 21 йиллик йиғилишида маълум қилди.

"19 та дрон учди - бу тасодиф бўлиши мумкин эмас. Бир хато нишон бўлиши мумкин, иккита бўлиши мумкин, лекин 19 эмас", - дея таъкидлади АҚШ президентининг махсус вакили.

Келлоггнинг сўзларига кўра, Россия етакчиси Владимир Путин "мақсадли ҳаракат қилмоқда, у сигнал юбормоқда ва жавобни эшитишни истайди – чегараларни бундан кейин ўзгартира оладими ёки йўқми, шуни билмоқчи".

"Агар тарих сабоқларини инобатга олмасак, унда учинчи жаҳон уруши томон ҳаракатланамиз", - дея хулоса қилади Келлогг.

У, шунингдек, Россия урушда ғалаба қозона олмаслигига ишончи комил: "Украина бу урушда мағлуб бўлмайди. Украиналиклар Россиядан маънавий устунликка эга, бу кўриниб турибди".

Келлоггнинг таъкидлашича, Хитойнинг Россияни қўллаб-қувватлашини тўлиқ тўхтатиш Россиянинг Украинага қарши тажовузкорлигини жуда тез тўхтатишга олиб келади.