Ҳиндистон бошқарувидаги Кашмирнинг Паҳалгам шаҳрида қуролланганлар 26 кишини ўлдирганидан сўнг, Ҳиндистон ва Покистон қўшинлари кетма-кет иккинчи кун ўқ отишмаларини давом эттирмоқда. Ҳиндистон бу ҳужумда Покистонни айбламоқда.
Покистон Бош вазири Шариф мамлакатнинг ўз суверенитетини ҳимоя қилишга тайёр эканлигини, аммо ҳужум бўйича "холис" халқаро тергов ўтказилишига рози эканлигини билдирди.
Қуролланган полиция ва ҳарбийлар Кашмирда ҳужум сабабчиларини қидириб, уйлар ва ўрмонларни текширмоқда. Ҳиндистон армияси қўмондони минтақадаги хавфсизлик ҳолатини кўздан кечирди.
Ҳиндистон расмийларининг айтишича, улар ҳужумдан сўнг Ҳинд дарёси сувлари тўғрисидаги муҳим шартномада иштирокини тўхтатиб, Покистонга "бир томчи ҳам сув" бормаслигини таъминлаш устида ишламоқда.
Икки давлат бир-бирига нисбатан қаттиқ дипломатик чоралар кўрди, жумладан, қуруқликдаги чегараларни ёпиш, савдони тўхтатиш ва хавфсизлик ходимларини чиқариб юбориш.
