АҚШнинг Венесуэла қирғоқларига ҳарбий кемалар ва сувости кемаси юборишига жавобан Каракас кўчаларида минглаб мотоциклчилар президент Николас Мадурони қўллаб-қувватлаб митинг ўтказди.
Митинг Транспорт вазирлиги биноси олдида бошланиб, собиқ президент Уго Чавес қабри жойлашган Куартел де ла Монтаньяда якунланди.
Транспорт вазири Рамон Селестино Веласкес мотосайёҳлар билан учрашиб:
“Биз ўз Ватанимизни ҳимоя қиламиз, гринголар буйруғига бўйсунмаймиз. АҚШнинг мақсади — Венесуэланинг табиий бойликларидир,” — деди.
Меҳнат вазири Эдуардо Пиате эса Чавес меросига содиқлик ва мамлакат суверенитетини ҳимоя қилишга қасам ичди.
Давлат ОАВ маълумотига кўра, Каракасдан ташқари бир нечта штат фуқаролари ҳам Боливар миллий милициясига кўнгилли сифатида қўшилмоқда.
Эслатиб ўтамиз, АҚШ президенти Дональд Трамп буйруғига кўра, Венесуэла қирғоқлари яқинида еттита ҳарбий кема ва сувости кемаси жойлаштирилган. Президент Мадуро бу ҳаракатларни кескин қоралаб, мамлакат сувлари ва заминини ҳимоя қилишга тайёрлигини билдирган.
Машҳур актёр ўз квартирасидан ўлик ҳолда топилди
ФИФА Аргентина терма жамоасини 2026 йилги жаҳон чемпионатидан четлаштириши мумкин
Ҳудудлар “эртами кечми” барибир Москвага тегишли бўлади
