Кападзе CAFA Nations Cup-2025 мусобақасига 35 футболчини жалб қилди (+рўйхат)

Ўзбекистон миллий терма жамоаси 26 август куни навбатдаги ўқув-машғулот йиғинларига киришади.

Тимур Кападзе “CAFA Nations Cup-2025” турнирига бағишланган йиғин учун кенгайтирилган таркибни эълон қилди. Ундан 35 нафар ўйинчи ўрин олди.

Жалолиддин Машарипов ва Рустам Ашурматов жароҳат сабабли турнирда иштирок эта олмайди. Легионерлар ФИФА кунлари бошлангач келиб қўшилишади. Шу сабабли ҳар ўйин учун қайднома ўзгариб туриши мумкин.

Эслатиб ўтамиз, жамоамиз мусобақадаги иштирокини 30 август куни Ўмонга қарши ўйин билан бошлайди.