Канадада айиқ ҳужуми оқибатида 11 киши жароҳатланди

Канадада, Ванкувердан тахминан 700 километр шимоли-ғарбда жойлашган Белла Кула ҳудудида гризли айиқ бир гуруҳ мактаб ўқувчилари ва уларнинг ўқитувчиларига ҳужум қилиб, 11 кишини жароҳатлади.

Бу ҳақда Daily Record нашри хабар бермоқда.

Тўртинчи ва бешинчи синф ўқувчиларидан иборат гуруҳ сайрда бўлганида, уларга тажовузкор айиқ ҳужум қилган. Қурбонлардан бирининг онасининг сўзларига кўра, унинг 10 ёшли ўғли Алварес жониворга шунчалик яқин бўлганки, у “жунини ҳис қилган”. Ўқитувчилардан бири болаларни ҳимоя қилишга уриниб, айиқнинг ҳужумини ўз зиммасига олди.

Жароҳатланганлардан икки нафарининг аҳволи оғир, яна икки нафарининг аҳволи ўртача оғир. Воқеа жойида полиция ва ёввойи табиатни муҳофаза қилиш ходимлари ишламоқда. Айиқ озодликда қолади. Воқеа туфайли маҳаллий мактабда дарслар бекор қилинган.