Кеча Украинадан келган қочқинлар бўлган биринчи самолёт Канадага, Нюфаундленд оролига етиб келди.
Канада телерадиокомпанияси маълумотларига кўра, 166 нафар қочоқ, жумладан 55 нафар бола бўлган самолёт Польшанинг Катовице шаҳридан келган.
Қочқинларни Нюфаундленд губернатори Эндрю Фюри кутиб олди.
Канада ҳукумати апрел ойи ўрталарида украиналик қочқинларни қабул қилиш бўйича махсус дастурни эълон қилганди. Ушбу дастурга кўра, украиналиклар Канадага олдиндан визасиз келишлари, мамлакатда уч йил муддатга яшаш ва ишлаш учун рухсатномаларни олишлари мумкин.
Кеча Канадага етиб келган қочқинлар ҳукумат ҳомийлигидаги ҳаво кўпригининг биринчи йўловчилари, бироқ Канадада аллақачон минглаб украиналик қочқинлар бор.
Маълумотларига кўра, жорий йилда Канадага 19 минг Украина фуқароси кирган ва ҳукумат март ойи ўрталаридан бери украиналикларнинг 90 минг виза аризасини маъқуллаган.
Россия яна бир ҳарбий можарода иштирок этиши мумкин
Макрон: "Агар Россия ғалаба қозонса..."
Россия Арманистон учун қарор чиқарди
