Гренландия атрофидаги кескинлашиб бораётган вазият шароитида Канака бош вазири иттифоқчиларни НАТО механизмлари орқали Арктика хавфсизлигини таъминлашга чақирмоқда.
Бу ҳақда Канада Бош вазири Марк Карни маълум қилди.
"Арктиканинг - НАТОнинг шимолий ва ғарбий ён томонларининг хавфсизлиги бизнинг Иттифоқимиз учун жуда муҳимдир. Канада Арктика хавфсизлигини таъминлашнинг энг яхши йўли НАТО доирасида биргаликда ишлаш эканлигига қатъий ишонади", деб ёзган у.
Карнининг сўзларига кўра, Канада ҳукумати вазиятнинг кескинлашувидан хавотирда ва Арктика минтақасида ҳарбий ва муҳим инфратузилмани мустаҳкамлайди.
"Канада барча ҳолларда, жумладан, Гренландия ва Дания Қироллигига нисбатан суверенитет ва ҳудудий яхлитлик тамойилларини қўллаб-қувватлайди. Биз доимий равишда таъкидлаганимиздек, Гренландиянинг келажагини фақат Гренландия ва Дания белгилаши керак", деб қўшимча қилди Канада бош вазири.
Ҳатто ЙТҲдан кейин ҳам Адам Қодиров медал олиб келмоқда
Гренландия ташқи ишлар вазири йиғлаб юборди
Эрон Starlinkни блоклашга муваффақ бўлди
