Канада бош вазири Марк Карни 28 апрелда мамлакатда муддатидан олдин сайловлар ўтказилишини эълон қилди.
Бир ҳафтадан сал кўпроқ вақт олдин Канада бош вазири этиб сайланган Карни "халқнинг кучли мандатига эришишни” исташини айтди.
"Канаданинг хавфсизлигини таъминлаш учун кўпроқ иш қилишимиз лозим", — деди вазир АҚШ президенти Доналд Трамп томонидан бошланган савдо уруши ва унинг аннекция таҳдидларини назарда тутиб.
Канадада навбатдаги сайловлар жорий йилнинг 20 октябридан кечиктирмай бўлиб ўтиши керак эди, бироқ бош вазир сайловларни эртароқ эълон қилиш ҳуқуқига эга. Кўпчилик Марк Карни бош вазир лавозимини эгаллаганидан кўп ўтмай шундай қилишини кутган эди.
Ҳукмрон Либерал партия 2015 йилдан бери ҳокимиятда ва шунча йил давомида ўз машҳурлигининг катта қисмини йўқотди. Бироқ, Трампнинг сиёсати Канада жамиятида ватанпарварлик даражасининг кескин ошишига сабаб бўлди.
Россия аэропортида ўзбекистонликлар қўлга олинди
Россия ҳарбийлари Украина Қуролли кучларининг қурол заводи ва аэродромига зарба берди
Сурхондарёда помидорни шпаклёвкага "айлантиришди"
