Европа дипломатияси раҳбари Кая Каллас Европа Иттифоқи Россия-Украина можаросини ҳал қилиш доирасида Россияга ўз талаблари рўйхатини тақдим этиши кераклигини айтди.
Каллас Брюсселда журналистлар билан суҳбатда шундай деди.
"Музокаралар столида ўтирган ҳар бир киши, жумладан, Россия ва Қўшма Штатлар ҳам, европаликларнинг розилиги кераклигини тушуниши керак", деб таъкидлади у.
Урушни тугатиш бўйича музокаралар асосан Украина, Америка ва Россия расмийлари иштирокида, вақти-вақти билан европаликлар билан маслаҳатлашувлар ўтказилиши қайд этилди. Бироқ, Европа расмийларининг сўзларига кўра, Европа Иттифоқи иштирокисиз тинчлик шартномаси тузиш мумкин эмас.
Каллас яқин кунларда Европа Иттифоқига аъзо давлатлар ҳукуматларига рўйхат тақдим этишини айтди. Рўйхатга нималар кириши мумкинлиги ҳақидаги саволга у барча украиналик болаларнинг қайтиши ва Россия қуролли кучларига чекловлар қўйилишини тилга олди.
"Барқарор тинчликка эришиш учун Россия томонидан қандай имтиёзлар кераклигини муҳокама қилишимиз муҳим", деб хулоса қилди у.
Европа расмийлари, шунингдек, ҳар қандай келишувнинг бир қисми бўлиши мумкин бўлган Европадаги музлатилган Россия активлари каби таъсир кучига эга эканликларини айтишмоқда.
Starlinkнинг ўчирилиши фронтдаги вазиятни ўзгартирди
Россия АҚШ таклифини рад этди
14 ёшли набира 70 ёшли бобосидан ҳомиладор бўлди
