Бутун дунёда қизамиқ, менингит (мия пардаларининг яллиғланиши) ва сариқ иситма каби вакцина билан олдини олиш мумкин бўлган касалликларнинг авж олиши кўпаймоқда, эмлаш бўйича ҳаракатлар эса хавф остида қолмоқда, дейилади Жаҳон соғлиқни сақлаш ташкилоти (ЖССТ) эълон қилган баёнотда.
– Афсуски, дифтерия каби касалликларнинг ҳам қайтадан пайдо бўлиш хавфи кучайган, — дейилади ҳужжатда.
– Аҳоли сонининг кўпайиши, гуманитар инқирозлар ва молиялаштиришнинг қисқариши тараққиётга таҳдид солмоқда, бу ҳолат миллионлаб болалар ва катталарнинг ҳаётини хавф остига қўймоқда, - дея таъкидлайди тиббиёт мутахассислари.
ЖССТ эмлаш дастурларини кучайтириш ва сўнгги 50 йил ичида болалар ўлимини камайтиришда эришилган ютуқларни ҳимоя қилиш учун “шошилинч ва барқарор” сиёсий эътибор ва инвестицияларни жалб қилишга чақирмоқда.
– Вакциналар сўнгги беш, ўн йилликда 150 миллиондан ортиқ одамнинг ҳаётини сақлаб қолди, -деди ташкилот раҳбари Тедрос Адханом Гебрейесус. – Вакцина билан олдини олиш мумкин бўлган касалликларнинг авж олиши бутун дунё бўйлаб кўпайиб бормоқда, бу эса одамларнинг ҳаётини хавф остига қўймоқда ва эпидемияларга қарши чоралар кўриш харажатларини оширмоқда.
Аввалроқ, АҚШ президенти Дональд Трамп мамлакатнинг ЖССТдан чиқиши ҳақидаги фармонни имзолаган эди. Янги маъмурият ЖССТ самарасиз, сиёсий таъсир остида ва Қўшма Штатлардан жуда кўп маблағ талаб қилади, деб ҳисоблашини таъкидлаган.
Жорий йил февраль ойида ташкилот раҳбари ЖССТ АҚШ ташкилотни тарк этганидан сўнг, иқтисодий инқирози туфайли ходимлар сонини қисқартириш ҳамда ташкилот бюджетини камайтириш режасини маълум қилганди.
Абдуқодир Ҳусанов нега майдонга тушмаётганлигига ойдинлик киритилди. Асл муаммо нимада?
Москва марказида кетма-кет портлашлар юз берди
Истанбулдаги зилзилани башорат қилган туркиялик олимнинг баёноти эълон қилинди
