Жерар Депардьега қарши суд жараёни ҳамон давом этмоқда

Парижда француз кино юлдузи Жерар Депардье устидан суд жараёни давом этмоқда. Актёр 2021 йилда “Яшил панжурлар” фильмини суратга олиш вақтида икки аёлга жинсий зўравонлик қилганликда айбланмоқда. Бу ҳақда BBC ёзган.

Бор-йўғи уч кун давом этиши керак бўлган суд дастлаб октябрь ойида бўлиб ўтиши керак эди, бироқ Депардьенинг соғлиғи туфайли қолдирилган эди.

Ҳозиргача 20 га яқин аёл уни номақбул хатти-ҳаракатда айблаган бўлса-да, бу Депардьега қарши судгача борган биринчи ишдир. Айбдор деб топилса, Депардье беш йилга қамалиши ва 81 минг долларгача жаримага тортилиши мумкин.

Сешанба куни Депардьедан кейин продюсер Амели К. 2021 йилги фильмни суратга олиш жараёнида актёр унинг танасига қўл теккизганини айтди. Шу билан бирга, у жинсий хусусиятга эга бўлган аниқ сўзларни айтган.

Бироқ Депардье бу зўравонлик эканини инкор этмоқда.

Франциялик кино юлдузи, ҳозир 76 ёшда бўлган Депардье сўнгги йилларда жинсий зўравонликда айбланган.

Депардье устидан ўтказилган суд жараёни француз актёрларининг фикрини иккига бўлди. Баъзилар уни ҳимоя қилиши ва судда сўзлаши кутилган бўлса, бошқалари айбловни қўллаб-қувватлаган.

Душанба куни ўнлаб намойишчилар Париждаги суд биноси олдида тўпланиб, уларнинг кўпчилиги жинсий зўравонлик қурбонларини қўллаб-қувватлаб, феминистик шиорларни айтишди.

Депардье 2023 йилда Франциянинг Le Figaro газетасида чоп этилган очиқ хатида ҳам қонунбузарликни доимо рад этиб келади.