Шу йилнинг ёзида футбол бўйича 2026 йилги Жаҳон чемпионати бўлиб ўтади. Goal портали таҳлилчилари нуфузли турнир иштирокчиларининг ғалаба қозониш имкониятларини баҳолаб чиқишди.
Амалдаги Европа чемпиони ҳисобланган Испания терма жамоаси турнирнинг бош фаворити сифатида эътироф этилди. Рейтингнинг иккинчи поғонасидан амалдаги жаҳон чемпиони — Аргентина жой олди. Кучли учликни Франция миллий терма жамоаси якунлаб берди.
Шунингдек, асосий даъвогарларнинг кучли ўнталигига Португалия, Англия, Германия, Нидерландия, Швейцария, Норвегия ва Бельгия терма жамоалари кирди. Бразилия эса кутилмаганда 11-ўриндан жой олди.
Эслатиб ўтамиз, Мундиал 11 июндан 19 июлга қадар АҚШ, Канада ва Мексика майдонларида бўлиб ўтади. Унда илк бор 48 та терма жамоа иштирок этади.
Жавоҳир Синдаров FIDE рейтингида 6-ўринга кўтарилди
Россия яна Олимпия ўйинларини қабул қилишга тайёр — Путин
Ўзбекистон Венесуэлани мағлуб этиб, FIFA Series ғолибига айланди
