2026 йилги Жаҳон чемпионати финал учрашувига мезбонлик қиладиган стадион номи маълум бўлди.
Унга кўра, янгича форматда ўтадиган АҚШ, Канада ва Мексика мезбонлигидаги мундиалнинг финалига Нью-Жерсидаги "MetLife Stadium" стадиони мезбонлик қилади. Ушбу арена ўз бағрига 83 минг мухлисни сиғдира олади.Бу ҳақида ФИФА матбуот хизмати маълум қилди. Финал учрашуви 19 июль куни бўлиб ўтади.
Учинчи ўрин учун бўладиган ўйинга эса 65 минг мухлисни ўз бағрига сиғдира оладиган “Hard Rock Stadium” мезбонлик қилади.
