ЖЧ-2022. Англия 1/4 финалда Франция билан тўқнаш келади

Франция терма жамоаси ЖЧ-2022 чорак финалида Англия билан ўйнайди.

Англия 1/8 финалда Сенегални (3:0) мағлуб этган бўлса, Франция Польшадан кучлироқ эди (3:1).

Франция ва Англия терма жамоалари тарихда илк бор жаҳон чемпионатининг плей-офф босқичида тўқнаш келишади.

Англия ва Франция ўртасидаги ўйин 10 декабрь куни Эл-Хаурдаги “Ал-Байт” стадионида Тошкент вақти билан соат 23:59'да бошланади.

Эслатиб ўтамиз, британияликлар ушбу аренада учинчи учрашувни ўтказишади. Аввалроқ АҚШ (0:0) ва Сенегал билан ўйинлар бўлган.