Жавоҳирда 30 минг долларга яқин: уч нафар шахматчимиз рапидда мукофот пули ишлаб олди

Нью-Йоркда шахмат бўйича жаҳон чемпионатининг рапид баҳслари якунланди.

Мусобақа якунига кўра, эркаклар ўртасида ТОП-40, аёллар ўртасида эса ТОП-20 шахматчи қаторига кирган иштирокчилар пул мукофотига лойиқ кўрилишди. Унга кўра, Жавоҳир Синдаров, Нодирбек Абдусатторов ва Афрўза Ҳамдамова пул мукофоти ишлаб олишди.

Нью-Йоркдаги ЖЧнинг рапид баҳсларида ўзбекистонлик шахматчиларнинг қайд этган натижалари:

6-ўрин — Жавоҳир Синдаров 9 очко (29 минг АҚШ доллари ишлаб олди)

27-ўрин — Нодирбек Абдусатторов 8 очко (4.3 минг АҚШ доллари)

48-ўрин — Жаҳонгир Ваҳидов 7.5 очко

86-ўрин — Муҳиддин Мадаминов 7 очко

131-ўрин — Шамсиддин Воҳидов 5.5 очко

Аёллар:

7-ўрин — Афрўза Ҳамдамова 8 очко (12 минг доллар)

Эртага мусобақада блиц беллашувлари бошланади. Баҳсларда вакилларимизга омад тилаймиз.