Жанубий Африка Республикасида Россиянинг Украинага қарши урушида иштирок этишга тайёргарлик кўрганликда гумон қилинган тўққиз нафар хорижлик қўлга олинди. 20 ёшдан 26 ёшгача бўлган гумонланувчилар якшанба куни оқшомда Йоханнесбург халқаро аэропортида ва шаҳар яқинидаги меҳмонхоналарнинг бирида ҳибсга олинган. Бу ҳақда Асосий жиноятларни тергов қилиш бошқармаси (HAWKS) маълум қилди.
Маҳкама маълумотларига кўра, қўлга олинганлар мамлакатни тарк этиishга ҳозирлик кўрган, бироқ уларнинг якуний манзили номаълумлигича қолмоқда. Расмийлар ҳибсга олинганларнинг фуқаролигини ва улар урушда қайси томонда қатнашишни режалаштирганини ҳозирча ошкор этмаган.
Барча тўққиз кишига ЖАРнинг ҳукумат рухсатисиз ёлланиб жанг қилишни тақиқловчи қонунчилигини бузганлик айблови қўйилмоқда. Гумонланувчилар шу ҳафта бошида суд олдига чиқарилиши кутилмоқда.
Аввалроқ Африка давлатлари фуқароларини Россия томонида урушда қатнашиши учун ёллаш ҳолатлари кузатилгани хабар қилинган эди. Украина разведкаси баҳолашича, Африканинг 36 та давлатидан ёлланганлар сони 1,7 мингдан ортиб кетган бўлиши мумкин. Уларнинг айримлари алдов йўли билан уруш ҳудудига юборилгани айтилади.
Ўзбекистонда кескин совуқ ва кучли ёғингарчилик кутилмоқда
Эркинжон Турдимов бешта ректорни ишдан бўшатди
Актриса Нилуфар Ҳамидова 7 суткага қамалди
