Жанубий Кореяга қарши ўйинда Ўзбекистоннинг энг яхши футболчиси ким бўлди?

Ўзбекистон миллий терма жамоаси халқаро ўртоқлик учрашувида Жанубий Кореяга 0:2 ҳисобида мағлуб бўлди.

Тежон шаҳридаги “Daegeon World Cup” стадионида ўтказилган баҳсда мезбонлар ҳар икки бўлимда биттадан гол урди.

Ҳисоб учрашувнинг 6-дақиқасида очилди. Жанубий Корея етакчиларидан Сон Хён Мин имкониятдан фойдаланиб, жамоасини олдинга олиб чиқди.

Танаффусдан кейин мезбонлар ҳужумкорликни оширди. 60-дақиқада О Се Хун иккинчи голни киритиб, ҳисобни 2:0 кўринишига келтирди. Қолган вақтда таблода бошқа ўзгариш бўлмади.

Сон Хён Мин — учрашувнинг энг яхшиси

Sofascore портали баҳоларига кўра, Сон Хён Мин 7,5 балл билан учрашувнинг энг яхши футболчиси бўлди.

Ўзбекистон терма жамоаси сафида энг юқори кўрсаткич Жаҳонгир Ўрозовга тегишли бўлди — 7,3 балл. Аббосбек Файзуллаев ва Абдуқодир Ҳусанов эса 6,8 баллдан олди.

Ўзбекистон футболчиларига қўйилган баҳолар

Абдувоҳид Неъматов — 5,7
Абдуқодир Ҳусанов — 6,8
Беҳруз Каримов — 5,9
Жаҳонгир Ўрозов — 7,3
Шерзод Насруллаев — 5,9
Одил Ҳамробеков — 6,5
Акмал Мозговой — 6,7
Азиз Ғаниев — 6,6
Аббосбек Файзуллаев — 6,8
Достонбек Ҳамдамов — 6,4
Элдор Шомуродов — 6,3

Жамоавий ўртача баҳолашда Жанубий Корея 6,92 балл тўплаган бўлса, Ўзбекистон миллий терма жамоасининг кўрсаткичи 6,54 баллни ташкил этди.