Жанубий Корея икки Шимолий Кореялик ҳарбий асирни Сеулга ўтказиш ҳақидаги маълумотларни Киевнинг ошкор қилиши билан боғлиқ дипломатик низолар фонида Украинадаги элчиси Пак Хи Чанни чақириб олди.
Бу ҳақда мамлакат Ташқи ишлар вазирлиги маълум қилди.
Хабарга кўра, Жанубий Корея ҳукумати Украина президенти Владимир Зеленскийнинг Шимолий Корея аскарларини Сеулга ўтказиш ҳақидаги яқинда эълон қилган баёноти, шунингдек, унинг маъмуриятининг маълумотларни махфий сақлаш бўйича ҳар қандай келишувни рад этган баёнотидан сўнг Киевдан расмий тушунтириш ва узр сўрашни талаб қилган.
Ташқи ишлар вазири Чо Хюн сешанба куни Украина ташқи ишлар вазири Андрий Сибигадан узр сўраган хабар олганини, аммо бу Сеулнинг кутганларига мос келмаслигини айтди. Унинг сўзларига кўра, Жанубий Корея ҳукумати "қатъий чоралар" кўриш ниятида.
"Ҳукумат Украинадан Сеулга элчисини чақириб олишга қарор қилди", дейилади вазирлик баёнотида.
"Умид қиламизки, икки мамлакат ўртасидаги турли масалалар тинч йўл билан ҳал қилинади ва бу борада биз Украина томони билан маслаҳатлашувларни давом эттирамиз", деб қўшимча қилди Ташқи ишлар вазирлиги.
MrBeast: “Ўзбекистонда мухлисларим шу қадар кўпки, балки кетишимизга тўғри келар”
Германия Россия билан дизель ёқилғиси етказиб бериш бўйича келишув тузишни таклиф қилди
АҚШ Россия нефтни қайта ишлаш заводларига қилинган зарбалар туфайли Украинага қурол етказиб беришни тўхтатиш билан таҳдид қилмоқда
