Жануби-Шарқий Осиёда содир бўлган зилзила оқибатида камида 26 киши ҳаётдан кўз юмди

Эпицентри Мандалай шаҳри яқинида жойлашган зилзила натижасида 20 киши ҳалок бўлгани ҳақида The New York Times шаҳар касалхонасига таяниб хабар берди.

Шунингдек, гувоҳларнинг маълум қилишича, Мянманинг Таунгу шаҳрида масжиднинг қисман вайрон бўлиши оқибатида камида уч киши ҳалок бўлган. Маҳаллий ОАВ маълумотларига кўра, Аунгбан шаҳрида камида яна икки киши ҳалок бўлган, меҳмонхона биноси вайрон бўлган. Бу ҳақда Reuters хабар бермоқда.

Бангкокда эса қурилаётган 30 қаватли осмонўпар бинанинг қулашидан камида бир ишчи ҳалок бўлди, 80 дан ортиқ одамнинг тақдири ҳали номаълум. Бу ҳақда Phai PBS маълумот берди.