"Жаноб Путин, бугун бу ғояни биргина имзо билан амалга ошира оласиз. Вақти келди"

Аввалроқ Reuters Путинга ёзилган мактубда Россияга олиб кетилган украиналик болаларнинг аҳволи ҳақида сўз боргани ҳақида ёзганди.

Fox News томонидан эълон қилинган мактуб матнига эътибор қаратилса, у ерда Украина номи тилга олинмаганини кўриш мумкин. Нашрнинг қўшимча қилишича, Путин хатни олган заҳоти ўқиб чиққан.

"Болалар муҳаббат, имкониятлар ва хавфсизликни орзу қилади. Ота-оналар сифатида келажак авлоднинг умидларини парваришлаш бизнинг бурчимиздир. Фарзандларимизни қўллаб-қувватлаш масъулияти кам сонли одамларнинг роҳат-фароғатидан устун туради. Жаноб Путин, сиз уларнинг оҳангдор кулгисини бир ўзингиз қайтаришингиз мумкин. Бу бегуноҳ болаларни ҳимоя қилишда сиз биргина Россияга эмас, балки бутун инсониятга хизмат қилган бўласиз. Бундай дадил ғоя ҳар қандай инсоний бўлинишдан юқори туради ва сиз, жаноб Путин, бугун бу ғояни биргина имзо билан амалга ошира оласиз. Вақти келди", дейилган Мелания Трампнинг мактубида.