Жаҳон банки Ўзбекистондаги таркибий ислоҳотлар дастурини қўллаб-қувватлаш учун 800 миллион доллар миқдорида имтиёзли кредитлар ажратишини маълум қилди.
«Ушбу ислоҳотлар мамлакатнинг инклюзив ва барқарор бозор иқтисодиётига ўтишини жадаллаштиришга қаратилган», — дейилади ташкилот хабарида.
Жаҳон банкининг маблағлари орқали қуйидаги соҳалардаги ислоҳотларда натижаларга эришиш режалаштирилган:
1. Ижтимоий ҳимоя тизими;
2. Гендер зўравонликка қарши кураш;
3. Фермерларнинг қишлоқ хўжалиги ерларига эгалик қилиш ва улардан фойдаланиш ҳуқуқларини таъминлаш;
4. Ишбилармонлик муҳитини яхшилаш;
5. Давлат молияларини бошқариш;
6. Иқлим ўзгаришига қарши курашиш;
7. Сув ресурсларини бошқариш;
8. Атроф-муҳит ва иқлимга таъсирни баҳолаш;
9. Иқлим ўзгаришига чидамлиликни оширишга инвестициялар;
10. Темир йўл сектори;
11. Энергетика сектори.
