Италия Украинага тахминан 3 миллиард евролик қурол-яроғ ва ўқ-дорилар етказиб берди

Италия Украинага тахминан 3 миллиард евролик қурол-яроғ ва ўқ-дорилар етказиб берди - "Il Fatto quotidiano" газетаси хабар қилди.

Нашрнинг аниқлаштириши бўйича, бу Украина эҳтиёжлари учун махсус харид қилинган қурол-яроғлар эмас, балки республика қуролли кучлари омборларида кўп йиллардан бери ортиқча миқдорда сақланиб келган захиралар ҳақида гап кетмоқда.

Шу билан бирга, 11 май куни Италия Ташқи ишлар вазирлиги Рим Киевга ҳарбий ва инсонпарварлик эҳтиёжлари учун тўғридан-тўғри ҳамда Европа Иттифоқининг умумий жамғармалари орқали 2,5 миллиард евро ажратганини маълум қилди.