Италияда миллий терма жамоанинг Эрон ўрнига Жаҳон чемпионатида иштирок этиши мумкинлиги ҳақидаги хабарлар кенг муҳокамаларга сабаб бўлмоқда. Gazzetta dello Sport нашрининг ёзишича, маҳаллий мухлисларнинг катта қисми воқеаларнинг бундай ривожига қарши чиқмоқда.
SWG компанияси томонидан ўтказилган ижтимоий сўровнома натижаларига кўра, респондентларнинг фақат 25 фоизигина Италиянинг Эрон ўрнини эгаллашини қўллаб-қувватлаган. Сўровда қатнашганларнинг 58 фоизи бу ғояга қарши эканини билдирган бўлса, 17 фоизи аниқ жавоб бермаган. Сўровнома мамлакатнинг 800 нафар вояга етган фуқаролари ўртасида ўтказилди.
Қарши чиқаётганларнинг асосий важи — спорт принципларининг бузилишидир. Сўровда қатнашганларнинг қарийб ярми (47 фоизи) саралашсиз мундиалга бориш «терма жамоа ва бутун мамлакат учун шармандалик» бўлишини таъкидлаган. Яна 11 фоиз аҳоли эса Жаҳон чемпионатига йўл олиш Италия футболидаги тизимли муаммолардан эътиборни чалғитади, деб ҳисоблайди.
Эслатиб ўтамиз, Эрон атрофидаги ҳарбий ва дипломатик кескинликлар туфайли ушбу мамлакатнинг турнирдаги иштироки сўроқ остида қолмоқда. ФИФА ва Эрон футбол федерацияси ўртасидаги якуний музокаралар 20 май куни Цюрихда бўлиб ўтиши кутилмоқда.
Криштиану Роналду миллионлаб обуначиларини йўқотди
Баҳодир Жалолов профессионал боксдаги 18-ғалабасини тантана қилди (ВИДЕО)
Холанд «Сити» мухлисларига мурожаат қилди
