Иссиқ ҳаво туфайли ҳар дақиқада бир киши вафот этмоқда.

Жаҳон миқёсида ҳар дақиқада бир киши иссиқлик туфайли вафот этади. 1990 йиллардан бери глобал исиш билан боғлиқ ўлим даражаси 23 фоизга ошди.

Бу ҳақда The Lancet Countdown нашри хабар берди.

The Lancet Countdown - бу Жаҳон соғлиқни сақлаш ташкилоти (ЖССТ) билан ҳамкорликда Лондон Университет коллежи томонидан тайёрланган ҳисобот. Унда мутахассислар иқлим ўзгаришининг аҳоли саломатлигига таъсирини муҳокама қилади.

Ҳисоботда айтилишича, агар жаҳон етакчилари сиёсатни ўзгартирмаса ва нефть компаниялари янги конларни ўзлаштиришда давом эца, иқлим ўзгаришидан кўрилган зарар янада кучаяди. Сайёрамизнинг қазиб олинадиган ёқилғига қарамлиги ҳавонинг ифлосланишига, ўрмон ёнғинларига ва касалликларнинг тарқалишига олиб келади.

2012 йилдан 2021 йилгача бўлган даврда дунё бўйлаб ҳар йили ўртача 546 000 киши иссиқлик туфайли вафот этган. "Бу ҳақиқатан ҳам ҳайратланарли кўрсаткич ва у ўсиб бормоқда", деди экспертлардан бири, Сидней университети профессори Олли Жей.

Сўнгги тўрт йил ичида ўртача одам йилига 19 кун ҳаётига хавф туғдирадиган иссиқликка дучор бўлган. Агар инсон томонидан глобал исиш бўлмаса, бу кўрсаткич фақат учта бўлар эди.

Мутахассисларнинг таъкидлашича, иқлим фалокатининг олдини олиш ва ҳаётни ҳимоя қилиш учун эчимлар мавжуд. "Агар биз қазиб олинадиган ёқилғиларни молиялашда давом эцак ва уларнинг кенгайишига кўмаклашсак, соғлом келажакнинг имкони йўқлигини биламиз", - деди Лондон Университет коллежи доктори Марина Романелло.