Исроилнинг янги ташқи ишлар вазири Гидеон Саар: Курд халқи буюк халқ ва бизнинг иттифоқдошимиз

Исроил Ғазо секторида босқинчилик ва қирғинбарот урушини бошлаганига 402 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.

▪️Босқинчилар Байт Лаҳия, Рафаҳ, Нусейрат ва Жабалия лагерларига ҳужум қилди. Бир кунда 49 киши ҳалок бўлди, улардан 36 нафари Ғазо шимолида ўлдирилган.

▪️Жабалия лагерида босқинчилар 14 нафар бола ва 6 нафар аёл, жами 23 кишидан иборат бутун Алуш оиласини ўлдирди.

▪️Ал-Қассам бригадалари: жангчиларимиз Ғазо шимолидаги Байт Лаҳия шаҳрида 15 сионистни нол масофадан ўлдиришди.

▪️Ғарбий Соҳилда ишғолчилар Ал-Халил, Наблус, Қалқиля ва Рамаллоҳга ҳужум қилади. Ўнлаб фаластинликлар ҳибсга олинган.

▪️"Ҳизбуллоҳ" Исроилга қарши 27 та ҳарбий амалиёт ўтказди. Ҳайфадаги ҳарбий-денгиз базаси ҳужумга учради, Ал-Каба тепаликларида босқинчилар гуруҳига уч марта ҳужум уюштиилди, Кирят Шмона, Авивим, Эвин Меначем, Зарит, Кафр Кила аҳоли пунктларига ҳам ҳужум қилинди.

▪️Ироқ қаршилик кучлари ишғол қилинган ҳудуддаги ҳарбий нишонга уч марта ҳужум қилди.

▪️Бу кеча қаршилик кучлари Сурия шарқидаги Американинг Конико ва Ал-Умар ҳарбий базаларига дронлар ва ракеталар билан ҳужум қилди.

▪️Сурия Мудофаа вазирлиги: Исроилнинг Дамашқдаги турар-жой биноларига ҳужуми 7 кишининг ҳаётига зомин бўлди.

▪️Ливан Соғлиқни сақлаш вазирлиги: Исроилнинг Бекаа водийсини бомбалаши натижасида 41 киши ҳалок бўлди, 31 киши яраланди.

▪️Ишғол хавфсизлиги хизматлари Нетаняхуга бир жойда турмасликни маслаҳат берди ва нацистлар уйига қилинган ҳужумдан кейин бункерда йиғилишлар ўтказаётганини тасдиқлади.

▪️Исроилнинг янги ташқи ишлар вазири Гидеон Саар: Курд халқи буюк халқ ва бизнинг иттифоқдошимиз. Курдлар Эрон ва Туркия зулми қурбони. Уларга етиб боришимиз, алоқаларимизни мустаҳкамлашимиз керак.