Исроилнинг Ливанга уюштирган ҳужумлари натижасида 2679 киши ҳалок бўлди

17 апрель куни эълон қилинган сулҳга қарамай, сўнгги 24 соат ичида Ливан жанубида Исроилнинг ҳаво ҳужумлари натижасида камида 20 киши ҳалок бўлди.

Бу ҳақда мамлакат Соғлиқни сақлаш вазирлиги маълум қилди.

Вазирлик маълумотларига кўра, яна 46 нафар Ливан фуқароси жароҳат олган.

2 март куни ҳарбий кучайиш бошланганидан бери тинч аҳоли орасида ҳалок бўлганларнинг умумий сони 2679 кишига етди, 8229 киши яраланди.

Соғлиқни сақлаш вазирлиги Исроил аҳоли пунктларига зарба беришда давом этар экан, ҳалок бўлганлар ва яраланганлар сони кўпайиши мумкинлигини таъкидлади.