Бироқ уларнинг паспортлари олиб қўйилиб, урушга юборилган, дейилади баёнотда
Перу прокуратураси ушбу мамлакат фуқароларининг қариндошлари Россияга алдов йўли билан жалб қилиниб, Украинага қарши урушга жўнатилгани ҳақидаги мурожаатларидан сўнг дастлабки терговни бошлади. Бу баёнот 1 май куни, апрель ойи охирида Перу оммавий ахборот воситаларида шундай вазиятга тушиб қолган юзлаб фуқаролар ҳақида мақолалар эълон қилинганидан кейин берилди. Терговни одам савдоси соҳасидаги жиноятларга ихтисослашган бўлинма олиб бормоқда.
Қариндошларининг сўзларига кўра, перуликларни юқори маошли иш ваъда қилиб Россияга жалб қилишган. Улар келганларидан сўнг ҳарбий хизмат ҳақидаги шартномага қўл қўйишга мажбурланган, ҳарбий тайёргарликдан ўтказилиб, сўнгра фронтга юборилган.
Юристларнинг таъкидлашича, камида 13 киши ҳалок бўлган, кўплаб одамлар билан эса қариндошлари бошқа боғлана олмаяпти. Бу каби ҳолатлар юзлаб бўлиши мумкинлиги айтилмоқда.
Перу пойтахтида оилалар норозилик акциялари ўтказишмоқда. Шу билан бирга, Россиянинг Лимадаги элчихонаси "чет элликларнинг Москва суверенитетини ҳимоя қилиш ҳақидаги қарорини чуқур ҳурмат қилиши" ҳақида баёнот берди.
Зеленский Путиннинг Ғалаба байрами муносабати билан сулҳ эълон қилиш ғоясига муносабат билдирди
АҚШда Россиянинг Т-72 танки дунёдаги энг яхши танклардан бири деб топилди
Оқ уй баёноти: Эрон билан уруш расман «якунланди»
