Фарғона вилояти Бешариқ туманида кучли ёғингарчилик оқибатида 90 дан ортиқ хонадонни сув босди. Фавқулодда вазиятлар вазирлиги мазкур ҳолат юзасидан маълумот берди.
Билдирилишича, жорий йилнинг 1 май куни соат 21:41 да «112» тизими орқали Бешариқ туманида кучли ёмғир ёғиши оқибатида туманнинг «Ворух Дашт», «Янгиқўрғон» МФЙларнинг айрим кўчаларидаги 90 дан ортиқ аҳоли яшаш хонадонларининг томорқаларига ёмғир сувлари кирганлиги тўғрисида Фарғона вилояти ФВБга хабар келиб тушган.
Шу заҳотиёқ, ҳодиса жойига Фарғона вилояти ФВБ, вилоят ва туман ҳокимлиги ҳамда ФВДқТ хизматлари етиб бориб, ҳодиса оқибатларини бартараф этиш ишлари жадаллик билан амалга оширилмоқда.
Бартараф этиш ишларига барча зарур куч ва воситалар жалб қилинган. Вазият тўлиқ назоратга олинган.
Қайд этилишича, ушбу ҳодиса оқибатида фуқаролар орасида тан-жароҳат олганлар йўқ. ФВВ вазият оқибатлари қисқа вақт ичида бартараф этилишини таъкидлаган.
Зеленский Путиннинг Ғалаба байрами муносабати билан сулҳ эълон қилиш ғоясига муносабат билдирди
АҚШда Россиянинг Т-72 танки дунёдаги энг яхши танклардан бири деб топилди
Эрон яҳудийлари етакчиси Оятуллоҳ Хоманаийга содиқлик билдирди
