Исроил томони Г‘азодаги отешни тўхтатиш ва асир алмашиш келишуви доирасида 31 октябрь куни ХАМАС томонидан топширилган уч нафар жасад қолдиқлари ҳеч бир исроиллик маҳбусга тегишли эмаслигини маълум қилди.
Тел-Авивдаги Абу Кабир суд-тиббий институтида ўтказилган идентификация натижаларига кўра, жасад қолдиқлари исроиллик асирлар билан боғлиқ эмаслиги аниқланган.
Исроил ОАВнинг ёзишича, ХАМАС жасадлар шахси аниқланмагани ҳақида Исроил томонини олдиндан хабардор қилган.
Жума куни ХАМАС асирга олинган исроилликларга тегишли деб ҳисобланган учта жасад қолдиқларини Халқаро Қизил Хоч қўмитаси вакилларига топширган эди.
Қолдиқлар шахсини аниқлаш учун Тел-Авивдаги суд-тиббий институтига етказилган.
Маълумот учун, Г‘азода 10 октябрдан кучга кирган сулҳ келишуви доирасида тирик асирлар алмашинувидан сўнг 28 нафар исроиллик маҳбуснинг жасади Г‘азо секторида қолган.
ХАМАС аввалроқ 19 нафар жасадни Исроилга топширган, бироқ текширув натижаларига кўра, улардан бири Г‘азода қолган маҳбусларга тегишли эмаслиги, иккинчиси эса аввал асирга олинган шахснинг танаси қисмларидан иборат экани маълум бўлган.
Ҳозирги вақтда Г‘азо сектори ҳудудида 11 нафар исроиллик маҳбуснинг жасади сақланмоқда.
2026 йилда ойлик, стипендия, пенсия ва нафақалар оширилади
Гулистон шаҳридаги овқатланиш шохобчасида портлаш рўй берди (видео)
Эронда 61 млн тонналик олтин захираси топилди
