Исроилдаги нефтни қайта ишлаш заводи Эрон зарбасидан сўнг тўлиқ тўхтатилди

Хайфа нефть қайта ишлаш заводи Эрон ракеталари зарбасидан сўнг тўлиқ тўхтатилди. Бу ҳақда Исроилнинг Yedioth Ahronoth газетаси мамлакатнинг энг йирик нефть қайта ишлаш компанияси Bazan Group маълумотига таяниб хабар бермоқда.

Исроил телеканали Channel 14 нефть қайта ишлаш заводидаги вазиятни танқидий деб атаб, барча объектлар Эрон ракеталари зарбаси оқибатида зарарланганини (видеода кўрсатилган) ва ҳужум натижасида уч киши ҳалок бўлганини маълум қилди.

Bazan Group фонд биржаси учун тарқатган баёнотида “электростанциянинг жиддий зарарланиши оқибатида барча нефть қайта ишлаш заводи объектлари ёпилган”лигини маълум қилди. Компания, шунингдек, Эрон ҳужумлари натижасида зарарланган электростанция гуруҳ объектларида ишлатиладиган қувватнинг бир қисмини таъминлашини ва “қўшимча зарбалар” ҳам қайд этилганини қўшимча қилди.

Бундан аввал, шу куни Эронда Исроил зарбалари сабаб энг йирик газ конлари «Жанубий Парс»да иш фаолияти вақтинча тўхтатилгани хабар қилинган эди.

Шу билан бирга, Ислом Инқилоби Қўрғон Кучлари вакили бир неча дақиқалар олдин “Ҳақиқат Ваъдаси 3” операциясининг тўққизинчи толқини бошланганини, бу операция тонггача узлуксиз давом этишини билдириб, ҳужумлар ракета ва дронларни ўз ичига олишини маълум қилди.