Кнессет (Исроил парламенти) террорчилар учун ўлим жазосини жорий этиш тўғрисидаги қонун лойиҳасини маъқуллади.
Бу ҳақда Исроил миллий хавфсизлик вазири Итамар Бен-Гвир ижтимоий тармоқ саҳифасида эълон қилди.
"Тарих яратилди! Биз ваъда бердик ва биз уни бажардик. Террорчилар учун ўлим жазоси тўғрисидаги қонун Исроил давлатининг қонунлар китобига қўшилди", деб ёзган у.
Kan давлат телерадиокомпанияси террорчилар учун ўлим жазоси осиб ўлдириш орқали амалга оширилиши режалаштирилганини аниқлади.
Қонун лойиҳаси ҳал қилувчи учинчи ўқишда қабул қилинди, уни 62 аъзо қўллаб-қувватлади ва 48 аъзо қарши чиқди. Бош вазир Беньямин Нетаньяху ҳам унга овоз берди.
Исроил мухолифати қонунни демократия ва халқаро ҳуқуққа зид деб атади ва унинг қабул қилинишига Исроил Олий судига шикоят қилиш ниятини эълон қилди.
Трамп Саудия шаҳзодаси ҳақида кескин баёнот қилди
Туркия АҚШни огоҳлантирди!
Россия Украина борасида Жанубий Кореяни жиддий огоҳлантирди
