Исроил зарбасида 4 нафар журналист ҳалок бўлди

Исроил ҳарбий авиацияси жанубий Ғазодаги Носир касалхонасини нишонга олди. Ҳужум натижасида 20 нафар одам ва 4 журналист ҳалок бўлди.

Ҳалок бўлганлар орасида Reuters, Associated Press, Al Jazeera ва NBC агентликлари мухбирлари бор. Яна бир Reuters мухбирининг яралангани хабар қилинди.

Журналистларни ҳимоя қилиш қўмитаси (CPJ) маълумотича, 2023 йилдан буён Ғазода 190 дан зиёд журналист ўлдирилган.

Исроил армияси журналистлар махсус нишонга олинмаганини билдирди ва ҳодисани тергов қилишини маълум қилди.

Уруш бошлангач, Ғазода 62 мингдан ортиқ фаластинлик ҳалок бўлган.