Исроил яна Ливанга ҳужум қилди

Исроил ҳарбий-ҳаво кучлари 5 июнь оқшомида Бейрутнинг жанубий чеккасида жойлашган Даҳия шаҳрига берган зарбаларида дрон заводлари ва омборхоналари нишонга олинган.

Бу ҳақда Исроил мудофаа вазири Исраэль Кац Х ижтимоий тармоғида маълум қилган.

"Исроил Бош вазири Беньямин Нетаньяху ва мен бугун кечқурун Исроил мудофаа кучларига Бейрутдаги Даҳия маҳалласи марказидаги "Ҳизбуллоҳ" ташкилоти учувчисиз учоқларни ишлаб чиқариш ва сақлаш учун фойдаланилган биноларга ҳужум қилиш ва уларни йўқ қилиш ҳақида кўрсатма бердик”, деб ёзди у.

Кац, шунингдек, бу ҳаракатлар Исроил ва Ливан ўртасидаги ўт очишни тўхтатиш келишувини сақлаб қолишга қаратилганини таъкидлади. “Биз муросасиз ўт очишни тўхтатиш қоидаларига риоя қилишни таъминлашда давом этамиз ва ҳеч бир томоннинг Исроил шимолидаги аҳоли пунктлари ва Исроил давлатининг барча фуқароларига таҳдид солишига йўл қўймаймиз”, — дея қўшимча қилди вазир.

Шу билан бирга, у содир бўлаётган воқеалар учун жавобгарликни Ливан расмийларига юклади. “Биз Ливан ҳукуматини ўт очишни тўхтатиш қоидаларини бузиш ва Исроил давлатига қарши қаратилган ҳар қандай террорчилик фаолиятининг олдини олиш учун бевосита жавобгар деб ҳисоблаймиз”, деди Кац.