Исроил ХАМАС келишувининг биринчи босқичида 2000 фаластинликни озод қилади

16 январь куни Доҳада Исроил ва Фаластиннинг ХАМАС гуруҳи ўртасида гаровга олинганларни озод қилиш ва Ғазо секторида ўт очишни тўхтатиш бўйича имзоланган келишувнинг биринчи босқичида 2000 нафар фаластинлик асир эвазига 33 нафар исроиллик асирнинг озод этилиши кўзда тутилган.

Бу ҳақда The Jerusalem Post хабар бермоқда.

Унинг маълумотларига кўра, битимнинг биринчи босқичи 42 кун давом этади ва битим имзоланганидан икки-уч кун ўтгач амалга оширилиши бошланади. Дастлаб 33 нафар гаровга олинганлар: аёллар ва болалар, кейин аёл аскарлар, кейин 50 ёшдан ошган эркаклар ва "гуманитар ишлар" сифатида белгиланган ёшлар озод қилинади. Бунинг эвазига Исроил ўз қамоқхоналарида сақланаётган 2000 нафар маҳкум террорчини, жумладан, 2023 йил 7 октябрь воқеаларидан кейин ҳибсга олинган мингга яқин кишини озод қилади. Айирбошлаш учун тасдиқланган 250 га яқин фаластинлик маҳбуслар умрбод қамоқ жазосини ўтамоқда. Бироқ келишув доирасида 2023 йил 7 октябрда Исроилга қилинган ҳужумда бевосита иштирок этган террорчиларнинг ҳеч бири озод этилмайди, деб ёзади газета.