Исроил суди Ички ишлар вазирлиги Исроилдаги барча украиналик қочқинларга Алеф-5 визасини бериши керак деган қарорга келди. Ушбу виза мамлакатда ишлаш, тиббий хизмат кўрсатиш, таълим олиш ва ҳоказо ҳуқуқига эга бўлган вақтинчалик резидент мақомини беради.
Тегишли қарорни Тел-Авив магистратура суди судьяси Михал Агамон-Гонен чиқарди. Унинг таъкидлашича, ҳокимият деярли икки йил давомида украиналик қочқинларга нисбатан сиёсат ишлаб чиқа олмаган, шунинг учун суд аралашишга мажбур бўлган.
Судья Иммиграция ишлари бошқармасига бир ой ичида Исроилдаги барча украиналик қочқинларни юқорида қайд этилган виза билан таъминлашни ва бу қарорни расмий веб-сайтда эълон қилишни буюрди.
